ثورة الـ21 سبتمبر
|| أدب وشعر || أمين الجوفي
بـواحـد وعـشـرين انـتـهت حـقـبة الـطُغم
وولــى زمــان الـبطش والـلطش والـحرام
دفـنـا الـمـثل ذي قــال مـن حـكّم احـتكم
يـمـنا وصــل لا بـيـن الارجـل وهـو سـنام
وسـبـتمبر اسـتـنفر وعــض اصـبـع الـنـدم
عـلـى مـامـضى مــن جـور والآم وانـهزام
وشـمّـر عـلـى الـطـاغوت بـالحق واحـتزم
ســــلاح الــثـقـه بالله والــعـدل والــوئـام
تـوكّـل عـلـى الـرحـمن واسـتئآصل الـورم
ضــرب زمـرة الـطاعون والـسل والـجذام
بـمـشروع ربـانـي بـمـا جــاء فــي الـخِـتَم
وجــانـا بـمـا يـلـزم عـلـى روحــه الـسـلام
هـــزم فـرقـة الـفـندم بـهـن راعــي الـغـنم
وفــحّـط وســلّـم دون تـسـلـيم واسـتـلام
قـلـعـنا بـثـورتنا مــن ادمــن عـلـى الــرُزم
من أفطر على الثروة وشعب اليمن صيام
وكـامل دسـم والـشعب خـالي مـن الدسم
وسـاكن فـلل ديلوكس والشعب في خيام
يـكـل فـالـغداء كـبـشين واحـنا نـكل كـدم
يـكـل خـبـزته بـالـسّمن واحـنـا بـــــلا ادام
مـقـدّم صــرف لإبـنـه وهـو مـاقد افـتطم
ولـكـزس مـعـا بـنته ولـكزس مـعا الـمدام
وكـم يــا اراضــي كــم ويـاكـم وكـم وكـم
وتــبّـه مــعـا هــاشـم وتــبّـه مــعـا هـشـام
رفــضـنـا وصـايـتـنـا لــلآعّـراب والـعـجـم
وطــاحـت مـشـاريـع الـتـفرق والانـقـسام
وعــــادت بـهـيـبـات الـنـيـاشين والـنّـجـم
وبــانـت صـقـور الـجـو والـبـوم والـحـمام