الحقائق تجلّت والضلال افتضح
واغلب الناس تدري بالخطأ والصحيح
كلما كان في وضع الغموض اتضح
بين مؤمن صريح أو منافق صريح
والخطأ لو يزول الكون ما صار صح
لا يهمك لسان الكذب لو هو فصيح
من تامر على غزه وحاصر رفح
موقفه لا حما خائف ولا اسعف جريح
منبطح وين ما شاف الرغاب انبطح
لليهودي يهودي والمسيحي مسيح
مرتزق وين ما قالوا له اسرح سرح
عبد في سمسره قرطاس في وسط ريح
كلب في مجزره ينبح مع من نبح
ما حفظ من كلاب الصيد غير النبيح
بحت اصواتكم للعاصفه يا سوح
لينما عاد للحيّات غير الفحيح
صفقوا وارقصوا في كل صالة فرح
واظهروا كم مع القبح اليهودي قبيح
عيبكم والله انه عار ما يمتسح
كيف تركب على الحزمي عمامة شريح
خزيكم فوق شرح الوصف والمصطلح
وامتلى للدنق صدر القواميس قيح
ما حوى العز من يهجي ولا من مدح
ف الشلي تعتبر ذم المطبع مديح
ظهر مكسور من قشه وظهر ارتزح
بين ما هو يقوم العزم والا يطيح
بيننا يا عبيد ترمب من قال اح
والفشل طيّح المنفوخ فوق النطيح
كيف لا قد شبحنا طايرات الشبح
باتصيحوا والامريكي وراكم يصيح
لو ترومان تسبح جنب باب السبح
ما تركنا اهل غزه ف الزمان الشحيح
دير ياسين من صنعاء ودير البلح
عرض ما دنسه خاين ولا مستبيح
لا وساطه قبلناها ولا مقترح
ما بقي للسماحه دون غزه سميح
والحصار اليماني للبحار اكتسح
واليهودي والامريكي امامه كسيح
كلمن هو رفع راسه علينا قرح
واليماني بكف الكون كفه رجيح
والله اللي حبانا والله اللي منح
لو عيون المنافق ما تشوف المليح
كلما اشتل حلف الصهينه واطّرح
والصواريخ فوقه يا شويح الشويح
شفت غربانهم تنعق نعيق الضبح
من وحاوح لها في كل ملعون ويح
لا سرا الفرط داخ الحاوري وانتذح
الوجع في اليهودي والبكا ف الجميح
من تعشى الخيانه بالهوان اصتبح
حلم في ليل صابح صاحبه ف الصبيح
