الأسرى
|| أدب وشعر || أمين الجوفي
إذا قـفـلـتـوا بـاب لـلأسـرى فـتـحـنا ألف باب
واتـعـدّدت الاسـبـاب والاحسان أهم اسبابها
يـبـعـدكـم الـبـاطـل ولـكـنـه يـقـرّبـنا الصواب
والـوازع الـديـنـي ونـهـج الـمصطفى وصّى بها
مـبدا الكرامه غاب منكم والضمير الحي غاب
مـعـاد فـيـكـم قـَبْـيَـلـه حُـمّى اللحى واشنابها
ضـاعـت هـويـتـكم ووارى عزكم فرخ الغراب
ضـاعـت مـبـاديـكم مع امريكا وحلف ارهابها
بعتوا كرامتكم قيمكم ارضكم من عاب خاب
مـن شـان حـفـنـة مـال يـا حـمى على جلابها
لـعـنـه عليكم لــ الريال الخارجي سال اللعاب
غـزت رقُـيـطـا نـجـد فـحـشاكم زعاف انيابها
الـعـز والـنـامـوس لـبـسـتـوه والنخوه حجاب
والكـبـريـاء والـمـجـد بـالـذلـه قـفـلـتـوا بـابها
أيـن الـنـقـوس الـحـمـيـريـه والمعالم والقباب
أيـن الـصـروح الـشـامـخـه واثـارهـا واطنابها
أيـن الحضارة ذي ذكرها الله فــيْ آيات الكتاب
عـن قـوم تُـبَّـع عـن سـبـا والـســـد يـا كُـتّـابها
أيـن الـمـلوك اجدادنا من قبلوا راس السحاب
أيـن اسـعـد الـكـامـل وشـمر ذو يزن واعرابها
لـو يـعلموا ما تفعلوا فــيْ ارض النماره والذياب
اسـتـغـفـر الله لا يـقـومـوا مـن عـمـيق اترابها
سلّط على اذناب العدا يا سيدي سوط العذاب
أشــبـال حــيـدر جــاهـزه والـنـار من شـبـابها
تـلبس جنـابيـنا النـساء إنْ مـا نـلـقملهم تــراب
ومــن رِجِـع مـن بـعد ذا الـفعله لـبس جِـلبابها