خـــلاف الاصـحـاب يـفـتح لـلـعدو ثـغـرة
وبـــاب مــنـه يـفـكـفك لـلـخـلاف ابــواب

والـعـنـصـرية مـــرض يـاقـاصـر الـنـظـرة
الــقـوم مـنـها تـطـعفر لا فــرق واحــزاب

وصـاحـبـك لا طـعـنته غــدر فــي ظـهـره
مــا تــدري الا وفـي ظـهرك مـية مـخلاب

ون قــدروا صـاحبك لـك قـدر مـن قـدره
ون ابتخس يبخسوا قدرك دول واقطاب

قـــال الـمـثـل وانـتـبه مــن زيّــد الـهـدرة
يــقــل قــــدره ويــصـبـح بــيـنـا كــــذاب

نـصـيـحتي لـــك تـتـابـع مـوجـز الـنـشرة
بـاتـعـرف الـمـختلس والـجـيد والـنـصاب

وانــقـل وتــابـع خــبـر جـيـزان والـظـفرة
وكم قتل في حرض من مرتزق واصتاب

أفـضـل مــن انــك تـرتـب لـلـعدو سـمـرة
يـسمر عـلى جـرح دامي ملتهب ما طاب

وخـلـك ايــوب فــي شـكـره وفـي صـبره
ويـوسـف الـعـصر مـهـما اتـهـيأت لـسباب

مــن لـمـلم الـصـف قـلـنا لــه كـتب آجـره
ومــن سـعـىٰ يـفـرقه بـايـدخل الـمحناب

ومــن عــرف صـاحـبه كــرّة كـفـي شــره
ولا دُعـــي فـالـشـدايد والـنـوايـب جــاب

كــذاب ذي قــال خــذ مـن صـاحبك مـرة
مـصير الاصحاب من بعد الخلاف احباب

اصـحـاب يـاصـاح مــن مــران لا الـمـهرة
والـجيد والـكفو له في كل بيت اصحاب

والله يــرحــم رفــــات الــجــد لا قــبــره
ذي قـال حـمىٰ عـلى مـن عـاب والا خاب