الشاعر أمين الجوفي

لــو تَـواري يـا وطـن مَـن بـا تَـواري؟

الــرّجـولـة والـشـهـامـة والــعـسـارة!!

يـا وجـعَ قـلبك عـلى هـاشم غمّاري

مَـن رفـع نـجمَك وعـلَمَك فالصّدارة

شَـبَّ مـوج البحر الأحمر خطّ ناري

واقـتـلَـب لـيـل الـعـدوِّ مـنـه نـهـاره

قُـلْ لِـمَن بـاع الوطن لَجْل المصاري

الـغـمّاري خـيـر مَـن خـاضوا غِـمارَهْ

مــا خـضـعْ ردّ اعـتـبارك واعـتـباري

يـومَ ربـعك يَـشحْتوا بـاب الـسفارة

سعر الأصلي غير عن سعر التجاري

والـجوير الـشهم مـا يـرضى بـجاره

قـائد الـجيش الـصميدع مـا يـداري

مــا يـصـلّي عـنـد غــزّة الاسـتخارة

عـنـدها خـالـفت مـسـلم والـبـخاري

والـقـطاع الـجوع ذي واري صـغاره

وانـت حـانب لك قفا صيد الحباري

والـشيوخ البُكمْ فــ أحكام الطهارة

بـــسم شعب المرجلة طال انتظاري

شـعـبنا يــا جـيـشنا رهــنَ الإشــارة

الــقـيـادة يـعـلـنوا حــالـة طـــواري

فـوقـهم والـحـرب يــا شـبـاب نـاره

اقـصفوا بـالفرط صـوتي والحراري

وارســلـوا صـمّـاد تــو لا عَـقْـرِ داره

وانـشـطـاري يـنـتـقي دمَّ الـغـمّـاري

أيّـش نـخسرْ بـعدَ هـذه من خسارة؟

.